Шупашкарта куракан умне çӗнӗ спектакль тухнă

«Çăлăнăç – юратура (777 пирӗшти)» драмăна куракансем хапăл туса  йышăннă. Ăна Владислав Николаевăн  регионти культура министерстви виçӗ çулта пӗрре ирттерекен пьесăсен конкурсӗнче çӗнтернӗ хайлавӗпе лартнă. Постановка режиссерӗ – Чăваш республикин халăх артистки Наталия Сергеева.

Ӗç-пуç пысăк хулари ватă хӗрарăмсем пурăнакан уйрăм пансионатра пулса иртет. Вӗсене  юратнă  ачисем ватлăха кӗтсе илме кунта илсе килнӗ. Хӗрарăмсен кун-çулӗ, профессийӗ тӗрлӗрен, анчах вӗсене пӗр япала пӗрлештерет – вӗсене çывăх çыннисем пăрахса хăварнă, маннă.

Пансионат ӗçченӗсем – çӗршывăн тӗрлӗ регионӗнчен килнӗ хӗрарăмсем. Вӗсен хушшинче тӗп герой – Лана. Пьеса пуçламăшӗнче вăл пурне те пулăшма, ăнланма хатӗр çӗнӗ ӗçчен. Анчах шăпа ăна  тӗрӗслев витӗр кăларать: инсульт хыççăн ăна упăшки пансионта илсе килет. Халӗ унăн хăйӗн пурнăçӗшӗн кӗрешмелле, йывăрлăхсене çӗнтермелле, хуллен сывă пурнăçа таврăнмалла.  Çав вăхăтрах палламан çын Ланăна пӗрре курсах юратса пăрахать, унăн тусӗсем ăна йывăр самантсенче пулăшаççӗ. Спектакль юрату, туслăх тата сутăнчăклăх темисене хускатать.

Чăваш Республикин Культура, национальноçсентата архив ӗçӗн министерствин пресс-службин сăнӳкерчӗкӗсем.