Лайăх тăвас тенӗ те йăнăшнă

«Шыв пăтранчăк, тӗсне улăштарчӗ»,– тесе хыпарланă Степной Зай юханшывӗ пирки Элмет район çыннисем экологсене.  Экологи министерствин инспекторӗсем, паллах, факта вырăна кайсах тӗрӗсленӗ. Шел те, хыпар тӗрӗс.  Экспертиза шывра тӗрлӗ япаласем нормăран чылай пысăккине кăтартнине хыпарлать экологи министерствин пресс-служби. Сăлтавӗ те паллă – юханшыва тарăнлатас ӗçе тӗрӗс мар пурнăçлани.  Куншăн яваплисен çут çанталăка сиен кӳнӗшӗн халӗ 30 пин тенкӗ штраф тӳлеме тивет. Шел те, çырмари шывăн пахалăхне ӳстермелли мерăсем çинчен те, хальхи лару-тăру юханшывари чӗрчунсем çине мӗнле витӗм пани çинчен пресс-служба асăнмасть. (Сăнӳкерчӗк ТР Экологипе çутçанталăк ресурсӗсен министерствин пресс-службин).