Мамадышра «SunnyФЕСТ» фестиваль иртет

«Февралӗн 7-мӗшӗнче питӗ илӗмлӗ тата анлă уяв кăçал вуннăмӗш хут иртет. Унта Раççейӗн тӗрлӗ регионӗсенчен, Тутарстанран командăсем хутшăнаççӗ, пиншер çын фестивале курма килет. Хальхи вăхăтра юлашки хатӗрленӳсем пыраççӗ», – пӗлтерчӗ Артур Ефимов.

Республикăн визит карточкисенчен пӗри пулса тăнă мероприяти çулсерен  хулан тӗп лапамӗнче пултаруллă ăстасене тата пин-пин куракана пухать. Кăçал  вăл 10.00 сехетре пуçланать. Кашни çул тӗрлӗ çунасем хатӗрлеççӗ унта хутшӑнакансем. Ку ăмăрту кăна мар, çемьесемшӗн пысăк уяв та.

Сергей Иванов Тутарстан предприятийӗсене фестивале хутшăнма чӗнчӗ. Çуна ăстала унта хутшăнни коллектива пӗрлештермелли лайăх май пулнине палăртрӗ. ТР Туризмпа патшалăх комитечӗ фестивале кăçал та  хутшăннине пӗлтерчӗ.

Кӗрешӳ тӗрлӗ номинацисемпе иртет, вӗсен хушшинче йăлана кӗнисем те пулӗç, сăмахран  «Где это видано?!», «Как по маслу!», «Докатились!» Çавăн пекех кăçал «Зима в Татарстане» проект шайӗнче пӗрремӗш хут ятарлă парне йӗркеленине Данил Данилов каласа пачӗ. 50 пин тенкӗ премие «Зима в Татарстане»  проектăн идейипе стильне чи лайăх кăтартакан çуна тăвакан илӗ. Унсăр пуçне партнерсенчен тӗрлӗ награда пулнине те пӗлтерчӗ вăл.

Командăсенчен завкăсене  февралӗн 5-мӗшӗччен sunny-fest@mail.ru электронлă почта урлă  йышăнаççӗ. Хальхи вăхăтра тӗрлӗ регионтан, çав шутра Ульяновск, Челябинск тата  Киров облаçӗсенчен  командӑсем хутшăнасси паллă.