Марина Карягина Вера Кузьмина çинчен кино ӳкерет

Чӑваш Республикин искусствӑсен тава тивӗçлӗ деятелӗн Марина Карягинан Вера Кузьмина çинчен ӳкернӗ пӗрремӗш ӗçӗ мар ку. Ӗç малалла пырать. Пысӑк яваплӑ ӗç. «Икӗ çул каялла Вера Кузьмина СССР халӑх артисчӗ çинчен «Сӑваплӑ вут» (вырӑсла «Покорительница стихий», 39 минут) ятлӑ фильм хатӗрленӗччӗ. 16 çул пӗчӗккӗн ӳкерсе пынӑ фильма Вера Кузьминична, Турра шӗкӗр, хӑй те курчӗ...
Пурӑннӑ пулсан, чӳк уйӑхӗнче пирӗн халӑхӑн мухтавлӑ хӗрӗ 100 çул тултарнӑ пулӗччӗ. Çак тапхӑрта «Чувашия» ГТРК сумлӑ кун тӗлне 25 минутлӑх фильм ӗлкӗртес тесе ӗçлет», – тесе çырнă Марина хăйӗн «ВКонтакте» социаллă сетьри аккаунтӗнче вырнаçтарнă постра кун пирки.

Чӑваш театрӗн аталанӑвне пысӑк тӳпе хывнӑ артистка çинчен кадрта аса илсе каласа пама Чӑваш халӑх артисчӗсем Наталия Сергеева, Иван Иванов, Чӑваш Республикин тава тивӗçлӗ артистки Александра Зайцева, СССР халӑх артисчӗ Валерий Яковлев хаваспах килӗшнӗ.

Чăваш патшалăх академи драма театрӗн сăнӳкерчӗкӗсем.