Муса Джалиль сăввине чăвашла та вуларӗç

ТР Культура министерстви пулăшнипе Тутарстан халăхсен Çамрăксен ассамблейипе ТР Писательсен союзӗ йӗркеленӗ мероприятие РФ Патшалăх Думин депутачӗ Ильдар Гильмутдинов, ТР культура министрӗ Ирада Аюпова, ТР Писательсен союзӗн председателӗ Ркаил Зайдулла, Тутарстан халăхӗсен Туслăх Çурчӗн директорӗ Тимур Кадыров, ТР Халăхсен ассамблейин Ӗçтăвкомӗн ертӳçи – ТР Патшалăх Канашӗн депутачӗ Ренат Валиуллин, Тутарстан халăхӗсен Çамрăксен ассамблейин председателӗ Диляра Дамар, Наукăсен академийӗн, Тутарстан халăхсен ассамблейин представителӗсем тата хула çыннисем хутшăнчӗç.

Акци шайӗнче «Жырларым» сăвă Атăлçи тăрăхӗнче пурăнакан халăхсен чӗлхисемпе янăрарӗ. Муса Джалиль çырнă хайлавпа курма килекенсене Хусанти Туслăх Çуртӗнчи Нумай нациллӗ вырсарни шкулӗн ачисем паллаштарчӗç. Поэмăри сыпăка чăвашла Тутарстанри Чăваш хӗрарăмӗсен союзӗн председателӗн çумӗн, илем студийӗн хуçин Ирина Порфирьеван хӗрӗ Ульяна вуларӗ.

Ульяна – Иринăпа Сергей Порфирьевсен кӗçӗнни, унăн икӗ аслă пиччӗшӗ пур. Вăл Хусанти 96№ гимназире 5 «и» класра вӗренет. Унсăр пуçне ташă шкулне тата фортепианăпа калама вӗренме çӳрет, вокалпа та интересленет. Вăт çапла маттур чăваш ачисем çитӗнеççӗ пирӗн хушăра.

И.Порфирьева сăнӳкерчӗкӗ.