Мускавра паян «Ылтăн кӗркунне – 2023» ял хуçалăх куравӗ уçăлчӗ
Мускавра Тимирязев ячӗллӗ Раççей патшалăх аграри университечӗн площадкинче октябрӗн 4-7-мӗшӗсенче юбилейлă 25-мӗш «Ылтăн кӗркунне – 2023» ял хуçалăх куравӗ ӗçлет. 12 пин тăваткал метр лаптăка йышăнакан куравра Раççей регионӗсенчи агропромышленность комплексӗн 100 экспоненчӗ хутшăнать. Курав ӗçне ТР ял хуçалăхпа апат-çимӗç министрӗ Марат Зяббаров ертсе пыракан делегаци те хутшăнать.
Тутарстан стендӗнче «Яратель», «ЗМК», «КМЭЗ», «ТатСпиртПром», «Мед Татарстана», «Дары Волги», «КАУСАР», «ВАМИН», «Фабрика здоровых продуктов» – пӗтӗмпе 9 предприяти хăйӗн продукцине кăтартать, тесе пӗлтерет ТР Ял хуçалăхпа апат-çимӗç министерствин пресс-служби.
Вăхăтлăх павильона выльăх-чӗрлӗх отраслӗ йышăннă, куракансем кунта чи лайăх лаша, ӗне-выльăх, сурăх-качака, мамăк тирлӗ выльăх ăрачӗсемпе тата тӗрлӗ аквакультурăпа паллашма пултараççӗ.
Программăн ӗçлӗ пайӗнче ял хуçалăх отраслӗнче ӗçлекенсем ял хуçалăхӗнче çутçанталăк газӗпе усă курасси, Раççейре фермер юхăмӗн аталанăвӗ тата ытти чи кирлӗ ыйтусене сӳтсе явӗç. «Женщины в АПК» Пӗтӗм Раççей конкурсӗн çӗнтерӳçисене чыслӗç.
Ыран, октябрӗн 5-мӗшӗнче, курава РФ Правительство пуçлăхӗ Михаил Мишустин килет. Вăл ял -хуçалăх комплексӗн çитӗнӗвӗсемпе паллашнă хыççăн «Инвестиции в будущее: современный взгляд на аграрное образование» пленарлă ларăва хутшăнать.
Следите за самым важным и интересным в Telegram-каналеТатмедиа
Нет комментариев