Наци уявӗсем кăçал хăçан пулаççӗ?

Наци уявӗсенче кашни халăх хăйӗн пултарулăхне, культурине, йăли-йӗркине туллин кăтартать. Халăхсен культурин пысăк мероприятийӗсене ирттерме Тутарстан пысăк тӗрев парать. Ку мероприятисем тахçанах ӗнтӗ пӗр халăхăн уявне кăна мар, пӗрлехи праçниксене çаврăнчӗç. Çулсерен иртекен уявсем кашни çул пӗр-пӗринчен мӗнпе те пулсан уйрăлса тăраççӗ. Апла пулсан кăçал та вӗсене çитсе курмаллах.

Тутарстанри тӗп халăхсен уявӗсем хăçан тата ăçта пулаççӗ-ха? Паллаштаратпăр:

• Вырăссен «Каравонӗ» – майăн 24-мӗшӗнче Лайăш районӗнчи Никольски ялӗнче;

• Марисен «Семыкӗ» – майăн 31-мӗшӗнче Кукмор районӗнчи Починок Кучук ялӗнче иртет;

• Мордвасен «Валда Шинясӗ» – июнӗн 15-мӗшӗнче Теччӗ районӗнчи Кильдюшево ялӗнче;

• Тутарсен «Сабантуйӗ» – июнӗн 21-мӗшӗнче Хусанта; ача-пăча «Сабантуйӗ» – Балтаси районӗнчи Бурбаш ялӗнче;

• Удмуртсен «Гырон быдтонӗ» – июнӗн 28-мӗшӗнче Балтаси районӗнчи Ципья ялӗнче;

• Чăвашсен «Уявӗ» – июнӗн 29-мӗшӗнче Нурлат хулинче;

• Славянсен «Иван Купала» уявӗ – июлӗн 5-мӗшӗнче Ешӗлварта;

• Кӗрешӗнсен «Питравӗ» – июлӗн 19-мӗшӗнче Мамадыш районӗнчи Зюри ялӗнче.

Çитсе курăр, ӳкӗнмӗр!