Налук тӳлеме вӑхӑт çитет
Сентябрӗн 11-мӗшӗнчен куçман пурлăхшăн, çӗршӗн е транспортшăн налук тӳлеме уведомленисем яма тытӑннӑ. Вăл почта урлă хут çырупа е nalog.ru сайтри «харпăр кабинета» электронлă çырупа килет.
2023 çулта налук тӳлемелли срок 2022 çулти пекех, РФ Налук кодексӗн 409-мӗш статйипе килӗшӳллӗн, декабрӗн 1-мӗшӗччен тӳлесе ӗлкӗрмелле.
Аса илтеретпĕр, налуксене онлайн майпа тӳлени меллӗ, налук инспекцине кайса вăхăт ирттересси çук. Налога çаплах телефонри «Налоги ФЛ» мобильлӗ приложени урлă «харпăр кабинета» е патшалăх услугисен порталне кӗрсе хăвăршăн кăна мар, çемьери ытти çынсемшӗн те тӳлеме пулать.
Куçман пурлăхшăн, транспортпа çӗр налукӗсемшӗн тӳлемелли уведомлени ноябрӗн 1-мӗшӗччен почтăпа та, электронлă майпа та килмерӗ-тӗк, налук инспекцине каймалла е «харпăр кабинетра», е Раççей ФНС интернет-сервисӗнче çырса ямалла.
Следите за самым важным и интересным в Telegram-каналеТатмедиа
Нет комментариев