Паян Хусанта «Аксенов-фест» фестиваль уçăлчӗ

Кăçал унта Раççейри паллă çыравçăсем Эдуард Веркин, Илья Бояшов, Анна Баснер, Дмитрий Воденников тата Францирен ятарласах йыхравланă Ив Готье çыравçă хутшăнаççӗ.

Çитес виçӗ кун хушшинче паллă авторсемпе творчествăлла тӗлпулусем, дискуссисем пулаççӗ, фильмсем кăтартаççӗ.

Кăçал фестивале документалистикăна халалланă. Мероприятисем Аксенов çуртӗнче, ТР Наци библиотекинче, хулари 13-мӗш, 26-мӗш тата 27-мӗш номерлӗ библиотекăсенче, Хусан ратушинче, Пулăçă тата Аксенов сачӗсенче, «Елмай» паркра пулаççӗ.

Йăлана кӗнӗ тăрăх, кăçал та çамрăк çыравçăсене, поэтсемпе музыкантсене «Звездный билет» литературăпа музыка премине Хусан ратушинче парӗç.

Сăнӳкерчӗк ТР Наци библиотекин сайтӗнчен.