ПАЯН ЗАЯВКĂСЕМ ЙЫШĂНАС ТАПХĂР ВӖÇЛЕНЕТ
Хаклă вулакансем! «Сувар пики – 2023» конкурса заявкăсем йышăнас тапхăр паян, мартăн 31-мӗшӗнче, вӗçленет. Паян кун вӗçлениччен заявка паракансем чиперккесен конкурсне хутшăнса ӗлкӗреççӗ-ха.
Çитес эрнере вара – апрелӗн 3-мӗшӗнчен пуçласа 7-мӗшӗччен – конкурса хутшăнакан пикесемшӗн хаçатăн «ВКонтакте» социаллă сетьри ушкăнӗнче сасăлав иртӗ. Онлайн-сасăлавра чи нумай лайк пуçтаракан пикене ятарлă приз кӗтет. Эппин, хăвăр килӗштернӗ пикесемшӗн сасăлама хатӗрленӗр.
Аса илтеретпӗр: «Сувар пики – 2023» титула илнӗ хӗр «Тутарстан Чăваш пики – 2023» конкурса хутшăнма тивӗçет (вăл апрелӗн 21-мӗшӗнче Хусанти Халăхсен Туслăх Çуртӗнче иртет, 15.00 сехетре пуçланать. – Ред.).
Конкурса хутшăнас текен хӗрсем паян заявка парса ӗлкӗреççӗ-ха. Çырса тултарнă анкетăна, сăнӳкерчӗксене, видеовизиткăпа пултарулăх номерне ӳкернӗ видеоролике suvar@mail.ru электронлă адреспа е 89179076881 телефон номерӗ çине «Сувар пики – 2023» конкурса» тесе палăртса мессенджерсем урлă ярса памалла.
«Сувар пики – 2023» конкурсăн положенийӗпе suvargazeta.ru сайтра паллашма пултаратăр.
Редакци.
Следите за самым важным и интересным в Telegram-каналеТатмедиа
Нет комментариев