Палламан çынна укçа тыттарса янă

Полицие килнӗ 87-ри хӗрарăм хăйне темиçе кун палламан номерсенчен пӗлмен çынсем шăнкăравланине каланă. Ăна унăн банк шучӗ çинчи укçине Украина çарӗсем валли куçарма хăтланнине пӗлтернӗ. Пуçтарнă укçине çухатас мар тесен пӗр шанчăклă çынна упрама пама шантарнă. Калаçтарнине шанса хӗрарăм банк шучӗ çинчи укçине йăлт хывса хăйӗн кил картишӗнчех 3 894 000 тенкине пӗр пӗлмен çынна тыттарса янă. 

Хăй шулӗксен аллине çакланнине хӗрарăм эрне иртнӗ хыççăн тин ăнланса илнӗ. Хальхи вăхăтра ку енӗпе РФ УК 3-мӗш пайӗн 159 статйипе  – «Мошенничество» – уголовнăй ӗç пуçарнă. 

Тутарстан ШӖМӗ асăрхаттарать:

- пӗлмен çынран килекен хуть мӗнле информацие те тӗрӗслӗр;

- пӗлмен çынпа телефонпа калаçнă чух ăна перекетре укçа пурри, банк карттисен даннăйӗсене, харпăр шут пурри çинчен ан пӗлтерӗр;

- ют çынна харпăр шут, патшалăх, финанс порталӗсенчи харпăр кабинетсен логинӗсемпе паролӗсене ан пӗлтерӗр;

- палламан çынсем хушнине тăвиччен хăвăрăн çывăх çыннăрсемпе канашлăр. 

«Шедеврум» нейросетьпе усă курса тунă сăнӳкерчӗк.