Пăр çине тухнă хир качакине инкекрен хăтарнă

ТР Биоресурссен патшалăх комитечӗн Пӗкӗлме районӗнчи уйрăмӗн пуçлăхӗпе «Сунарçăсемпе пулăçсен пӗрлӗхӗ» обществăлла организацин ертӳçи хир качакине инкекрен хăтарнă, пӗлтерет Биорессурссен патшалăх комитечӗн пресс-служби.   

Пулса-иртни çинчен вӗсене МЧС специалисчӗсем пӗлтернӗ. Çамрăк хир качаки пăрпа витӗннӗ пӗвене лекнӗ те ниепле те ура çине тăраймасть иккен. Ахăртнех пăр çине вăл çӗрле тухнă.

Чӗрчуна хăратас мар тесе çăлавçăсем кирлӗ хатӗрсене май килнӗ таран сахалрах илнӗ, алă вӗççӗн ӗçленӗ. Çӳхе пăрпа майпен утса хир качаки патне çитнӗ.

Хытă хăранăскере çăлавçăсем çыран хӗррине тухма пулăшнă. Кăштах сывлăш çавăрса ярсан чӗрчун вăрмана кӗрсе çухалнă.  

Сăнӳкерчӗк  ТР Биоресурссен патшалăх комитечӗн пресс-службин.