Пахчара вӗрене ӳссен штраф параççӗ
Раççейре тухнă çӗнӗ закон çӗр хуçисене хăйсен çӗр лаптăкӗнче хăрушă ӳсен-тăран, çав шутра вӗрене (Америка вĕрени) сарăлассипе кӗрешме хистет.
2025 çулхи июлӗн 31-мӗшӗнче тухнă 294№ Федераллă закон кăçал мартăн 1-мӗшӗнчен вăя кӗчӗ. Унпа килӗшӳллӗн, çӗр хуçисен, арендăна илекенсен хăйсен çӗр лаптăкне тӗрӗслесе тухмалла та хăрушă йывăç-курăк ӳсет пулсан пӗтермелле. Хăвăрт сарăлакан Америка вӗренипе те тинех кӗрешме пуçлатпăр иккен, пахчара ӳсет пулсан вӗсене касни кăна çителӗксӗр халӗ, тымарне те хăвармалла мар.
Закона пăхăнмасан предприяти-организацисене 400 – 700-шер пин, должноçрисене 50-100-шер пин, граждансене 20-50-шар пин тенкӗ штраф тӳлеттереççӗ. Сумми региона кура тӗрлӗрен пулма пултарать. Енчен те темиçе хут асăрхаттарсан та çӗр хуçисем итлемеççӗ е штраф тӳлемеççӗ пулсан суд тăрăх çӗр лаптăкне туртса илме те пултараççӗ.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев