Паян ТР Патшалӑх Канашӗн депутачӗсене суйлатпӑр

"Мобильный избиратель" механизмпа Тутарстанра 32 пин ҫын усӑ курнӑ. Ҫакӑн ҫинчен ТР ЦИК председателӗ Мидхат Шагиахметов журналистсене пресс-конференцире пӗлтернӗ. 

"Регионри суйлавсенче ҫак механизма эпир пӗрремӗш хут ӗҫе кӗртрӗмӗр. “Мобильный избиратель“ суйлавҫӑсене республикӑри кирек хӑш суйлав участокӗнче те сасӑлама май парать."

Ҫак меслетпе усӑ курас текенсен сентябрӗн 4-мӗшӗччен суйлав комиссине пӗлтермелле пулнӑ. Заявленисене июлӗн 24-мӗшӗнчен мӗн пур 56 территории суйлав комиссийӗсенче йышӑннӑ. Ҫакна Патшалӑх ҫӑмӑллӑхӗсен порталӗ урлӑ та тума май пулнӑ. Августӑн 28-мӗшӗнчен заявленисене участокри суйлав комиссийӗсем йышӑнма тытӑннӑ. Вӗсене 18 пин ытла заявлени ҫырса панӑ. 

Открепительный текен удостоверенисем вырӑнне усӑ куракан механизм меллӗ пулнине ҫеҫ пӗлтерет ҫакӑ.