Пенза чăвашӗсем кашни эрне фронта пулăшу ăсатаççӗ

Ахальтен мар вăл тăрăхри нумай арçын пирӗн çар ретне доброволец пулса çырăннă. Çав шутра Неверкино районӗнчи чăваш ялӗсенчен те. 
Юлташӗсемпе тăванӗсем Украинăран килӗсене тупăкра таврăнни Пенза облаçӗнчи Чăваш наципе культура автономийӗн ертӳçине Денис Щербакова хурлантарман мар. Гуманитари пулăшăвӗ леçме вăл Раççей шутне кӗнӗ облаçсене пӗрре мар кайса килнӗ. Халӗ унăн фирминчи ӗçлекенсем салтаксем валли палаткăсенче ăшăнмалли буржуйка-кăмакасем ăсталаççӗ. Пенза чăвашӗсен тӗслӗхӗпе Елчӗкре те салтак кăмакисем тума тытăннă. Фронтрисем вӗсене ӗçре тӗрӗслеме те ӗлкӗрнӗ ӗнтӗ. Тав тăваççӗ.