Пӗрлехи патшалăх экзаменӗпе патшалăхăн тӗп экзаменне памалли кунсем паллă

Пӗрлехи патшалăх экзаменне палăртнă вăхăтран маларах парас текенсем мартăн 22-мӗшӗнчен пуçласа апрелӗн 22-мӗшӗччен тытма пултараççӗ, тӗп тапхăр — майăн 23-мӗшӗнчен пуçласа июлӗн 1-мӗшӗччен, хушма тапхăр — сентябрӗн 4 — 23-мӗшӗсенче.

Тӗп тапхăрти экзамен тытмалли предметсен кунӗсем çапларах:

Майăн 23-мӗшӗнче — географи, литература тата хими; 

Майăн 28-мӗшӗнче — вырăс чӗлхи; 

Майăн 31-мӗшӗнче — математика;

Июнӗн 4-мӗшӗнче — обществознани;

Июнӗн 7 тата 8-мӗшӗсенче — информатика; 

Июнӗн 10-мӗшӗнче — истори тата физика;

Июнӗн 13-мӗшӗнче — биологи тата ют чӗлхе (çырса);

Июнӗн 17 тата 18-мӗшӗсенче — ют чӗлхе (сăмахпа каласа). 

Июнӗн 20-мӗшӗнчен пуçласа июлӗн 1-мӗшӗччен пӗрлехи патшалăх экзаменне пур предметпа памалли резервлă кунсем палăртнă.

9-мӗш класс пӗтерекенсемшӗн те патшалăхăн тӗп экзаменне памалли вăхăта виçӗ тапхăр çине пайланă: апрелӗн 23-мӗшӗнчен пуçласа майăн 18-мӗшӗччен — срокченхи тапхăр, майăн 21-мӗшӗнчен пуçласа июлӗн 2-мӗшӗччен — тӗп тапхăр, сентябрӗн 3 — 24-мӗшӗсенче — хушма тапхăр. 

Патшалăх экзаменӗсене парассипе çыхăннă ыйтусене ахаль çынсемпе, регионсенчи власть представителӗсемпе пӗрре мар сӳтсе явнă. Кун усси пулнах — сӗнӳсене шута илнӗ. Тӗслӗхрен, халиччен 9-мӗш класс пӗтерекенсен майăн 24 тата 25-мӗшӗсенче экзамен тытма тивнӗ-тӗк, кăçал вӗсем ку кунсенче ирӗклӗ пулӗç — «Юлашки шăнкăрава» лăпкăнах уявлама пултарӗç. Тепӗр çӗнӗлӗх — ОГЭ тытакансен кăçалтан экзаменра программăламан калькуляторпа усă курма юрамасть.

А.Наумов сăнӳкерчӗкӗ.