Проектсене пурнăçа кӗртме 1 миллион тенкӗ таран илме пулать
14-35 çулсенчи социаллă проектсен авторӗсене Çамрăксен ӗçӗсен федераллă агентстви йӗркелекен «Росмолодежь.Гранты» конкурса хутшăнма чӗнеççӗ. Социаллă пӗлтерӗшлӗ пуçарусене пурнăçа кӗртме 1 миллион тенкӗ таран илме май пурри çинчен ТР çамрăксен ӗçӗсен министерствин пресс-служби пӗлтерет.
Заявкăсене Раççей тата Абхази Республикин гражданӗсем пама пултараççӗ. Кашни автор проекта 18 номинацирен пӗринче тăратма пултарать. Направленисем хушшинче – добровольчествăпа çамрăксен пӗрлӗхӗсене аталантарасси, экопросвещени, инклюзи, пултарулăх, спорт тата сывă пурнăç йӗрки, истори астăвăмне упрасси, çемье хаклăхӗсем, çамрăксен медиа, наукăпа технологисем, туризмпа вӗрентӳ.
Заявкăсене сентябрӗн 15-мӗшӗччен «Молодежь России» платформа урлă йышăнаççӗ, унтах конкурс условийӗсемпе паллашма пулать.
Конкурс «Молодежь и дети» наци проекчӗпе килӗшӳллӗн иртет. Пӗрремӗш сезонра пӗтӗмӗшле 500 миллион тенке яхăн 710 проект укçа-тенкӗ енчен пулăшу илнӗ.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев