Кашни çул ноябрь уйăхӗн виççӗмӗш вырсарникунӗнче çул çинче вилнисене асăнаççӗ. Кăçал асăну кунӗ ноябрӗн 17-мӗшӗнче пулать.
Ноябрӗн 11-мӗшӗнчен тытăнса 17-мӗшӗччен республикăра çул-йӗр хурăшсăрлăхӗпе çыхăннă мероприятисем иртеççӗ. Ку эрнере Тутарстанăн кашни районӗнче профилактика акцийӗсем, Патшалăх автоинспекцийӗн инспекторӗсем çул çинче çӳрекенсемпе, предприятисемпе организацисен ӗçченӗсемпе тӗлпулусем, вӗренӳ заведенийӗсенче вӗренекенсемпе уçă уроксем, ашшӗ-амăшсемпе пухусем ирттерме палăртнă.
Ноябрӗн 15-мӗшӗнче республикăн кашни шкулӗнче «Çул-йӗр хӑрушсӑрлӑхӗн пӗрлӗхлӗ кунӗ» иртет.
Ноябрӗн 17-мӗшӗнче пӗтӗм тӗнчипе митингсем пулаççӗ, çул çинче вилнисене асăнса çуртасем çутаççӗ, вилтăприсем çине чечексем хураççӗ.
Çак кун акцие хутшӑнакансем плакатсемпе урамсене тухса çул-йӗр правилисене пӑхӑнма чӗнеççӗ, çул çинче çӳрекенсене çутта тавăракан элементсем валеçсе параççӗ.
Каласа хăвармалла, кашни çул тӗнчипе аварире 1,19 миллиона яхăн çын вилет. Раççейре 9 уйăх хушшинче (январь-сентябрь уйăхӗсенче) 12 817 авари пулнă, вӗсенче 1 434 çын вилнӗ, 15 601-ӗ аманнă, Тутарстанра – 2 320 инкек пулнă, 220 çын вилнӗ, 2 819-ӗ аманнă. Пиллӗке çитмен ачасен тата 29 çула çитмен çамрăксен вилнин тӗп сăлтавӗ – çул çинче пулса иртнӗ инкек.
Пӗтӗм тӗнчипе асăну кунне ирттерни пире, руль умӗнче ларакансене те çул çинче çӳрекенсене те кашни кун çул çинче тимлӗрех пулмаллине, çул-йӗр правилисене пăхăнмаллине аса илтерет.
Нет комментариев