Пуш уйăхӗн 6-мӗшӗ – Тимофей
«Пуш уйăхӗ алхасма юратать, Хӗл Мучи сăмсаран чӗпӗтесси те пулма пултарать», – тенӗ халăхра
ХАЛĂХ КАЛЕНДАРӖ
◊ Пуш уйăхӗн 6-мӗшӗ – Тимофей. Ăшă çил вӗрме пуçлать. Çак кун уяр-тăк – çуркунне те лайăх çанталăк пулать.
◊ Пуш уйăхӗн 7-мӗшӗ – Маврикий. Хура кураксем, шăнкăрчсем тата чӗкеçсем вӗçсе килме пуçлаççӗ. Кайăксем çак кунран маларах вӗçсе килни – çуркунне ир пуласса.
◊ Пуш уйăхӗн 8-мӗшӗ – Поликарп. «Пуш уйăхӗ алхасма юратать, Хӗл Мучи сăмсаран чӗпӗтесси те пулма пултарать», – тенӗ халăхра. Чăн та, пуш уйăхӗнчи ăшă çанталăка шансах пӗтерме тăхтамалла, час кăна улшăнма пултарать. Енчен те чакак пӳрт çунатти айне пытанать-тӗк – çил-тăман тухасса.
◊ Пуш уйăхӗн 9-мӗшӗ – Иван. Сăнанă: енчен те кайăксем ялан хӗвел ӳкекен çӗрте йăва çавăраççӗ – çулла сивӗ пулать. Çак кун аиста е тăрие курни – лайăха. Иван кунӗнче юр çусан ака уйăхӗнче те çăвать-ха.
◊ Пуш уйăхӗн 10-мӗшӗ – Тарас. Çак кун тултан чӳрече витӗр пӳртелле пăхма хушмаççӗ. Пӳрт алăкӗ тăпсаран тухса кайни – инкеке.
◊ Пуш уйăхӗн 11-мӗшӗ – Порфирий. Çак кун вӗçен кайăксене сăнамалла. Енчен те вӗсем кăнтăртан таврăннă – тыр-пул ăнса пулать.
◊ Пуш уйăхӗн 12-мӗшӗ – Прокоп. Хресченсем кăчкăллă хăвана сăнаççӗ: енчен те унăн кăчкисем тăрринче çурăлма пуçлаççӗ – акана иртерех тухма юрать.
Следите за самым важным и интересным в Telegram-каналеТатмедиа
Нет комментариев