Республикăра пурăнакансем «Пирӗн кил-картишӗнче-2025» сăнӳкерчӗксен конкурсне хутшăнма пултараççӗ
Тутарстанри общество палатипе «Татар-информ» агентство «А у нас во дворе-2025» конкурс пуçарса янă. Конкурса уйрăм е нумай хваттерлӗ çуртра пурăнакансем хутшăнма пултараççӗ.
Январӗн 18-мӗшӗччен Çӗнӗ çул уявӗ тӗлне кил-картише мӗнлерех илем кӳнине сăнӳкерчӗк е видео туса, ӗç мӗнле пыни çинчен пӗлтерсе хăйӗн «ВКонтактери» страницинче #аунасводворе2025 хэштегпа вырнаçтармалла. Профиль уçă пулмаллине те каласа хăварнă йӗркелӳçӗсем.
Сасăлав январӗн 19-мӗшӗнчен пуçласа 29-мӗшӗччен «Татар-информ» агентствăн «ВКонтактери» страницинче иртет.Çӗнтерӳçӗсене, чи нумай сасă пухнă виçӗ çынна, февраль уйăхӗн 5-мӗшӗччен палăртаççӗ. Вӗсене укçа-тенкӗ парса хавхалантараççӗ.
Сăнӳкерчӗкре Аксу районӗнчи Саврăшпуçӗнче пурăнакан Архип Иванов ăсталанă юр кӳлеписем.
Следите за самым важным и интересным в Telegram-каналеТатмедиа
Нет комментариев