Июнь уйăхӗнче Раççей Федерацийӗн субъекчӗсенче влаçа йӗркелесси çинчен калакан çӗнӗ закон вăя кӗнӗ хыççăн регионсен ертӳçисем 2022 çулхи июнӗн 1-мӗшӗнчен текех «президент» пулма пултараймаççӗ, «глава» кăна. Çапах Тутарстан ертӳçин официаллă сайтӗнче Рустам Минниханов çинчен çаплипех Президент тесе çыраççӗ.
Республика пуçлăхӗн пресс-службин ертӳçи Лилия Галимова хыпар хатӗрӗсенче ӗçлекенсене пӗлтернӗ тăрăх, Минниханов хăйӗн должноçӗн малтанхи ятне «куçăм тапхăрӗнче» упраса хăварать. Куçăм тапхăрӗ тесе пресс-секретарь регион законодательствине федераллă законпа килӗшӳллӗн улăштарас вăхăта каланă. Вăл хăçанччен тăсăлассине Лилия Галимова пӗлтермен.
Нет комментариев