Рустам Минниханов август вӗçӗччен тыр-пула пухса кӗртме хушнă

Тыр-пул акнă пӗтӗмӗшле лаптӑк кӑçал 1 миллион та 100 пин гектарпа танлашать, вӗсенчен 568 пин гектарӗ – çу культурисем.

«Тӗп тӗллев – тыр-пула пухса кӗртессине август уйӑхӗн вӗçӗччен вӗçлесси. Республика хуçалӑхӗсенче кун валли комбайнсемпе типӗтмелли комплекссен çителӗклӗ. Чи пӗлтерӗшли – техникӑна тӗрӗс усă курасси. Топливӑпа тивӗçтерес ыйтӑва та татса панӑ», –  палӑртнă республика ертӳçи.  

Çавӑн пекех республикӑра выльӑх апачӗ хатӗрлесси малалла пырать. Тутарстан Раисӗ хуçалăхра çулталӑк çурӑ çитӗрме апат пулмаллине те аса илтернӗ.

Рустам Минниханов ТР  Ял хуçалӑхӗпе апат-çимӗç министерствине çак ыйтусене куллен тӗрӗслесе тӑма, вӗсене вӑхӑтра татса пама хушнӑ. Вырмана хутшӑнакансен ӗçне йӗркелесси çинче уйрӑммӑн чарӑнса тӑнă вӑл.

«Чи малтан тивӗçлӗ ӗç укçи пулмалла, пушар хӑрушсӑрлӑхӗн правилисене  пӑхӑнмалла,  вӗри апатпа тивӗçтермелле. Ку питӗ яваплӑ тапхӑр», –  каласа хăварнă Рустам Минниханов.

«Татар-информ» ИА сăнӳкерчӗкӗ.