Рустам Минниханов: «Професси ăсталăхне пула тата ӗçе юратнипе аграрисем тутарстансене кирлӗ апат-çимӗçпе тивӗçтереççӗ»
Паян, ноябрӗн 7-мӗшӗнче «Казань Экспо» халăхсен хушшинче курав центрӗнче ял хуçалӑх тата тирпейлекен промышленность ӗçченӗн кунне халалланӑ савӑнӑçлӑ мероприяти иртрӗ.
Рустам Минниханов агропромышленость комплексӗн ӗçченӗсене тата выльăх-чӗрлӗх ӗрчетес ӗçре тăрăшакансене саламларӗ. Ял хуçалăх ярмăрккисене ирттернипе хула çыннисем паха продукцие йӳнӗрех хакпа туянма пултарнине каласа хăварчӗ ТР Раисӗ.
СВОна пулăшу янă çӗре те аграрисем хутшăннине палăртрӗ Рустам Нургалиевич. Кашни район çӗр-çӗр тонна ял-хуçалăх продукцине ятарлă çар операцине хутшăнакансем тата çӗнӗ регионсенче пурăнакансем валли ярсах тăрать.
«Залра паян пирӗнпе пӗрле ятарлă çар операцине хутшăнакансем. Вăхăтӗнче вӗсем çӗр çинче тăрăшнă, халӗ вара Тăван Çӗршыва хӳтӗлеççӗ, пирӗн çӗнтерӗве çывхартас ӗçре кашни тӳпе кӗртет», – пӗлтерчӗ Рустам Минниханов.
ТР Раисӗ Рустам Минниханов ял хуçалӑх тата тирпейлекен промышленноçра нумай вăхăт хушши вăй хунă тата ӗçре пысăк çитӗнӳ тунă ӗçченӗсене Раççейӗн тата Тутарстанăн патшалăх наградисемпе чысларӗ.
ТР Раисӗн пресс-службин сăнӳкерчӗкӗ.
Следите за самым важным и интересным в Telegram-каналеТатмедиа
Нет комментариев