Рустам Минниханов: Раççей ялавӗн кунӗ çӗнӗ çитӗнӳсемпе çӗнтерӳсем тума хавхалантарать
Августăн 22-мӗшӗнче эпир Раççей Федерацийӗн Ялавӗн кунне анлăн паллă тăватпăр. Пӗрремӗш хут уява, РСФСР Аслă Канашӗ шурă-хӗрлӗ-кăвак тӗслӗ ялава патшалăх ялавӗ тесе çирӗплетсен, 1994 çулхи августăн 22-мӗшӗнче ирттернӗ.
Тутарстанра та нумай мероприяти ирттерме палăртни пирки Тутарстан Республикин Раисӗ Рустам Минниханов Правительство Çуртӗнчи канашлура каласа хăварнă.
«Çак кун пирӗн çӗршывӑн пӗрлӗхне, вӑйне тата суверенитетне палăртать, Раççейре пурăнакан кашни çынна, мӗнле наци çынни пулсан та мӗнле тӗне ӗненсен те пӗрлештерет, пирӗн пуян историе, мӑн асаттесемпе паянхи кун паттӑрӗсен хастарлӑхне манма памасть, çӗнӗ çитӗнӳсемпе çӗнтерӳсем тума хавхалантарать», — палăртнă республика ертӳçи.
Августăн 21-мӗшӗнче Хусанти Кремль çумӗнче «Живой триколор» флешмоб иртрӗ. Акцие хутшанакансем, «Молодая Гвардия Единой России» общество организацийӗн регионти уйрăмӗн хастарӗсем тата Ачасен тата çамрăксен ӗçӗсен комитечӗн пайташӗсем Раççей триколорӗ евӗр тăрса тухрӗç.
Августăн 22-мӗшӗнче Тутарстанра çамрăк активистсем триколор-лентăсем салатаççӗ. Çавăн пекех кăмăл пуррисем Раççей ялавӗ тӗслӗ аквагрим тутарма пултараççӗ. Республикăра тематикăллă вело- тата автопробегсем, тӗрлӗ патриотла мероприятисем ирттереççӗ.
Сăнӳкерчӗксем «Татар-информ» ИА.
Следите за самым важным и интересным в Telegram-каналеТатмедиа
Нет комментариев