Стефания жюрие чăваш юррипе тыткăнланă
Сочи хулинче «Мир на ладони» проект шайӗнчи «У самого чёрного моря» халăхсен хушшинчи конкурс иртнӗ. Раççейрен тата ют çӗршывсенчен килсе çитнӗ çамрăк талантсем хутшăннă фестивалӗн Гран-прине Хусанти Туслăх Çуртӗнче вырнаçнă Нумай нациллӗ вырсарни шкулӗнчи чăваш урăмӗнче вӗренекен Стефания Чаркина çӗнсе илнӗ. Унăн педагогӗ – Тутарстанри чăваш хӗрарăмӗсен союзӗн председателӗ Сильвия Чаркина. Хӗрпӗрчи «Линка-линка» чăваш халăх юррине юрланă.
Çавăн пекех конкурсра Стефания «Кристалл» хореографи коллективӗн йышӗнче виçӗ ташă кăтартнă, вӗсенчен иккӗшӗ 1 степеньлӗ, пӗри 2 степеньлӗ лауреат ята тивӗçнӗ.
Стефания Чаркинăна, унăн педагогне Сильвия Николаевнăна пысăк кăтартусемпе саламлатпăр! Малашне те пултарулăхра çитӗнӳсем тумалла пултăр!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев