«Сувар» çырăнма манмарăр-и? Çитес çул та нумай интересли кӗтет сире хаçатра

Хисеплӗ вулаканăмăрсем! Акă 2021 çул вӗçленесси те нумай юлмарӗ. Икӗ эрнерен 2022 çула кӗтсе илме хатӗрленетпӗр. Апла-тăк çитес çул пирки шутлама шăпах вăхăт. 2022 çулăн пӗрремӗш çур çулӗнче илсе тăма «Сувар» çырăннă-и-ха эсир? Çырăнтару вӗçлениччен шутлă кунсем юлчӗç, çавăнпа та васкăр, тăванăмăрсем. «Сувар» хаçат сире тепӗр çул та интереслӗ материалсемпе, литература хайлавӗсемпе савăнтарӗ. Ак, тӗслӗхрен, 2022 çулăн 1-мӗш номерӗнченех эсир юратакан авторăн, пушкăрт çыравçин, «Ан пăрах, анне» кӗнеке авторӗн Айгиз Баймухаметовăн çӗнӗ повеçне пичетлеме пуçлатпăр.
Ку çырăнтару кампанийӗнче те хаçата çур çула çырăннисен хушшинче акци ирттеретпӗр – парнесем вылянтаратпăр. Унта хутшăнас тесен 2022 çулăн 1-мӗш çур çулне «Сувара» çырăннă квитанцие редакцие ярса памалла. Почта ӗçченӗсем валли те редакци конкурс пуçарчӗ (тӗплӗнрех хаçатăн 47 № (03.12.2021)) çырнă. Чи нумай «Сувар» çырăнтарнă почтальонсене редакци укçан преми парса хавхалантарать. Заявкăсем кӗтетпӗр.
Тăванăмăрсем, «Суварпа» пурнăç тата интереслӗрех. Çырăнмасăр ан юлăр! Хаçат индексӗ Тутарстанра – П2340, ытти регионсенче – П7093.
Чăваш пулар, пӗрле утар!
Сăнӳкерчӗкре: Лайăш районӗнчи Габишевăри «Калинка» ача-пăча фольклор ансамбльне çӳрекен Савелий Савельевпа Ясмина Олудина пӗчӗкренех «Суварпа» туслă.

Е.Макарова сăнӳкерчӗкӗ.