Тăван Çӗршывăн Аслă вăрçине хутшăннă 200 яхăн ветеран тӳлев илнĕ

Тӳлев  1941–1945 çулсенче иртнӗ Тăван Çӗршывăн Аслă вăрçине хутшăннă ветерансене Раççей Федерацийӗн Президенчӗн Владимир Путинăн хушăвӗпе килӗшӳллӗн парăнать.

«Çакӑн пек адреслӑ пулӑшу ветерансемшӗн кӑна мар, пирӗншӗн те питĕ пӗлтерӗшлӗ. Вӑл пирӗн ентешсене вӗсен паттӑрла ӗçӗсемшӗн тата пирӗн çӗршывшӑн йывăр вӑхӑтĕсенче хӑйсене шеллемесĕр çапăçнăшăн черетлӗ хут тав тума, вӗсене никам та манӑçман, нимӗн те манӑçман тесе калама май парать», — палăртнă Пенси тата социаллă страховани фончӗн Тутарстанри уйрăмӗн ертӳçи Эдуард Вафин.

Тӳлевсене проактивлӑ режимпа — Раççей Пенси Фончӗн Тутарстан Республикинчи уйрăмӗн даннӑйĕсемпе усă курса панă. Çавăнпа ветерансен, вӗсен çывӑх çыннисен е представителӗсен заявлени çырмалла пулман.

Раççей Пенси Фончӗн Тутарстан Республикинчи уйрăмӗн пресс-служби пĕлтернĕ тăрăх пĕлтĕр Тутарстанра 300 яхăн ветеран тӳлев илнĕ.

Сăнӳкерчӗк «Татар-информ» ИА.