Çармăс ялӗн библиотекинче Тăван çӗршыв хӳтӗлевçин кунӗ умӗн «Тăван çӗршыв ывăлӗсем – вырăс çӗрӗн хӳтӗлевçисем» темăпа историпе патриотлăх сехечӗ ирттертӗмӗр.
Мероприятие ятарлă çар операцине хутшăнакан паттăрсен ашшӗ-амăшӗсене те чӗнтӗмӗр.
Малтан библиотекарь пухăннисене пирӗн пысăк çӗршыва сыхлакансене мӗншӗн шăпах февралӗн 23-мӗшӗнче чыслани пирки каласа пачӗ. Унтан историри хӳтӗлевçӗсене аса илтӗмӗр – Авалхи Руçран тытăнса паянхи куна çити. Кашни ялпа хулан шăпи çӗршывăннипе тачă çыхăннă, çав шутра пирӗн ялăн та – çакна пурте палăртрӗç.
Тăван çӗршыва хӳтӗлесе пуç хунисене пӗр минут шăп тăрса асăнтăмăр. Çармăс шкулӗнче хатӗрленӳ ушкăнне çӳрекен ачасем куракансене илемлӗ юрă-ташăпа савăнтарчӗç.
Тăван çӗршыва хӳтӗлекенсене чун-чӗререн тав тăватпăр!
Лидия КАРАЕВА.
Çармăс ялӗ.
Автор сăнӳкерчӗкӗсем.
Нет комментариев