Тепӗр 3 çултан интернетрах йăх тымарне тӗпчеме пултарăпăр
2027 çулта Тутарстанра йăх тымарне искусствăлла интеллект пулăшăвӗпе тӗпчемелли интернет-портала хута яма планлаççӗ. Проекта 93 яла кӗртнӗ те ӗнтӗ. Хальхи вăхăтра тепӗр тăваттăшӗпе ӗçлеççӗ.
Çакăн пек интернет-портал пулассине «Татар-информ» агентствăна ТР архив ӗçӗсен патшалăх комитечӗн председателӗ Гульнара Габдрахманова пӗлтернӗ.
— Пирӗн «Ядкэр» проект пур. Пӗр IT-компанипе ятарлă платформа хатӗрлерӗмӗр. Унта метрика, ревизи кӗнекисенчи тата халăх çыравӗсен даннăйӗсене кӗртетпӗр. Унтан искусствăлла интеллект йăх тымарӗсене тӗпчеме пулăшӗ. Хальлӗхе эпир ялсемпе ӗçлетпӗр-ха. 2027 çулта вара патшалăх услугисен порталӗ урлă ку системăна кӗме ирӗк парасшăн. Çапла майпа граждансенчен хуть кам та хăйӗн йăх тымарне унта тӳлевсӗрех тӗпчеме пултарӗ, — тенӗ вăл. («Тăван ен» хаçат сайтӗнчи сăнӳкерчӗк).
Следите за самым важным и интересным в Telegram-каналеТатмедиа
Нет комментариев