Турци консулӗ урăх çӗре ӗçлеме куçать

Исмет Эрикан Тутарстанра хăйӗн дипломати ӗçӗ-хӗлне вӗçлет. Вăл кунта 2019 çулта килнӗччӗ.  
Рустам Минниханов палăртнă тăрăх, Турци Тутарстанăн ют çӗршыври чи пысăк партнерӗсенчен пӗри. Çыхăнусем консульство хутшăннипе йӗркеленеççӗ, Хусанта вырнаçса вăл суту-илӳпе экономика, социаллă, гуманитари сферисенче пысăк ӗç илсе пырать, пирӗн тăванла халăхсем хушшинчи çыхăнусене çирӗплетме пулăшать. 
Тутарстан Раисӗ Исмет Эрикана çӗнӗ ӗç вырăнӗнче ăнăçу сунса консула ТАССР йӗркеленнӗренпе 100 çул çитнине халалланă медальпе чысланă.