Тутарстан çамрӑк ӑсчахсен шучӗпе лидерсен шутӗнче
Тутарстанра наукӑри çамрӑк специалистсен шучӗпе лару-тăру Раççейӗн ытти регионӗсемпе танлаштарсан лайăхрах. Кун пирки ВДНХри «Россия» курав-форумра ТР Наукӑсен академийӗн президенчӗ Рифкат Минниханов пӗлтернӗ.
«Раççейре çамрӑк ӑсчахсен шучӗ 40 процентпа танлашать, пирӗн — 60 процент. Эпир кунпа кăна лӑпланмастпӑр, паян аспирантура çине акцент тӑватпӑр. Аспирантурӑран вӗренсе тухнă çамрăксем кайран пирӗн патра çамрӑк ӑсчахсем, ӑслӑлӑх ертӳçисем пулса юлни пирӗншӗн приоритетлӑ», — тенӗ вӑл.
«Пурте наукӑна укçашӑн мар, ӗçе юратнипе каяççӗ теççӗ. Ученӑй иртен пуçласа каçчен тӗпчев ӗçӗсем тăвать. Укçа-тенкӗ ыйтӑвӗ пур, унтан ниçта та кайса кӗме çук. Федераллӑ пулӑшу панисӗр пуçне Тутарстанра çамрӑк ӑсчахсем, çамрӑк преподавательсем хушшинче професси конкурсӗсем иртеççӗ, çурт-йӗр ыйтӑвне татса пама пулăшаççӗ. Унсӑр пуçне çамрӑк ӑсчахсен стартапӗсене тӗрев парса пулăшса пыраççӗ», — палӑртнă Рифкат Минниханов.
«Наукӑпа университет» нацпроекта пула ТР çамрӑк ӑсчахсен шучӗ 4,5 пине çитнӗ. Наци проекчӗсем çӗршывра Раççей Президенчӗн Владимир Путинӑн указӗпе пурнӑçланаççӗ.
Сăнӳкерчӗк «Татар-информ» ИА.
Следите за самым важным и интересным в Telegram-каналеТатмедиа
Нет комментариев