Тутарстан виççӗмӗш вырăн йышăннă
Халăхсен хушшинчи #МЫВМЕСТЕ-2024 форумра Тутарстан Республики «Субъект Российской Федерации» номинацире виççӗмӗш вырăн йышăннă, пӗрремӗш вырăнта Белгородпа Ростов облаçӗсем, иккӗмӗшӗнче – Ленинград облаçӗ. Çавăн пекех добровольчествора çитӗнӳ тунипе те республикăна пилӗк награда панă.
Тутарстанран форума 30 çын хутшăннă, вӗсен хушшинче Добро.Центр ертӳçисем, волонтерсем, федераллă тапхăрăн финалисчӗсем, #МЫВМЕСТЕ премин финалисчӗсемпе амбассадорӗсем, «Добро.Центр» социаллă франшизине аталантаракан регионри программăн кураторӗ тата акселераци эксперчӗсем пулнă.
Раççейре добровольчество пуçарăвӗсене тӗрев паракан «Регион добрых дел» конкурсăн çӗнтерӳçи те Тутарстан. Наградăна илме сцена çине ТР çамрăксен ӗçӗсен министрӗ Ринат Садыков хăпарнă.
«Çулсерен Тутарстан волонтерсем хӑйсем — ҫӗршыври чи лайӑххисенчен пӗрисем пулнине кăтартаççӗ, #МЫВМЕСТЕ-2024 форумра илнӗ наградӑсемпе ҫӗнтерӳсем те кăна ҫирӗплетеҫҫӗ. Республикӑра пурнӑҫӑн пур сферине те хастар хутшӑннӑшӑн тата чунпа сӳрӗк пулманшӑн эпӗ пӗтӗм доброволецсене тав тӑватӑп», – каланă Ринат Садыков.
ТР Çамрăксен ӗçӗсен министерствин пресс-службин сăнӳкерчӗкӗ.
Следите за самым важным и интересным в Telegram-каналеТатмедиа
Нет комментариев