Тутарстана «Движение первых» организацин çӗнӗ ертуçи килнӗ
Нумаях пулмасть Раççей Президенчӗ Владимир Путин «Пӗрремӗшсен юхăмне» ертсе пыма Артур Орлова лартнă. Çӗнӗ ертӳçӗ Удмурт Республикинче (вăл унта çуралса ӳснӗ) пулнă хыççăн, Тутарстана та çитнӗ.
Сентябрӗн 24-мӗшӗнче вăл Тутарстан Республикин Раисӗпе Рустам Миннихановпа тӗл пулнă. Тӗл пулăва Çамрăксен ӗçӗсен федераллă агенствăна ертсе пыракан Григорий Гуров та хутшăннă.
Çавăн пекех Артур Орлов юхăмăн пайташӗсем валли Хусанти танк училищинче экскурси ирттернӗ. Ачасене вăл хăйӗн вӗренӳ çулӗсем çинчен каласа панă. Уйрăмах физика урокӗсене тата тăватă çул хушшинче тӗп аллейăра ӳсекен пин ытла чечеке пăхса тăнине палăртнă курсант пулнă Артур Орлов.
Юхăмăн çӗнӗ ертӳçи 177№ лицее те çитсе курнă. Вӗренекенсем ăна медиацентр мӗнле ӗçленипе паллаштарнă, çулталăк хушшинче тунă ӗçӗсем çинчен каласа панă, интерактивлă музей тăрăх экскурси йӗркеленӗ. Нумаях пулмасть Пӗтӗм Раççейри «Зарница 2.0» конкурсра çӗнтернӗ Пӗрремӗшсен Совечӗпе паллаштарнă.
Сăнӳкерчӗксем @tatmediaofficial телеграм-каналтан.
Следите за самым важным и интересным в Telegram-каналеТатмедиа
Нет комментариев