Çырчаллинче Пӗтӗм Раççейри студентсен «КАМАЗ» производство отрячӗ ӗçлеме пуçланă. Ӗç проекчӗ хӗллехи тапхăрта кăçал пӗрремӗш хут пурнăçланать, февралӗн 28-мӗшӗччен тăсăлать. Легендарлă завода ӗçлеме Раççейӗн 13 регионӗнчен 213 студент килнине ТР Студенстен отрячӗсен пресс-служби пӗлтерет.
«213 çамрăк Раççейри 13 субъектран оборонăпа промышленность комплексне аталантарас тата пирӗн çӗршыв экономикине çирӗплетес ӗçе хутшăнма хатӗрри – студент отрячӗсем кăткăс задачăсене татса пама пултаракан хăватлă кадр ресурсӗ пулнине çирӗплетет», – палăртнă Республикăри студентсен ӗç отрячӗсен центрӗн ертӳçи Василий Ислаев.
Юхăма хутшăнакансем 9 специальноçпа автогигантăн тăватă заводӗнче ӗçлеççӗ, грузовик туса кăларас ӗçӗн кашни тапхăрне хутшăнаççӗ.
Пӗлтӗр çулла çӗршывăн кашни регионӗнчен килнӗ 300 студент икӗ уйăх хушшинче 9 пин грузовик, автомашинăсем валли 13 000 кабина тата 3000 двигатель пуçтарнă.
ТР Студенстен отрячӗсен пресс-службин сăнӳкерчӗкӗ.
Нет комментариев