Тутарстанра çамрăк блогерсен форумӗ иртет

Унта хутшăнас текенсен августăн 25-мӗшӗччен заявка парса ӗлкӗрмелле. Форума Тутарстанра пурăнакан 18 – 35 çулсенчи хуть хăш блогер хутшăнма пултарать. Мероприяти сентябрӗн 3 – 5-мӗшӗсенче Лайăш районӗнчи «Волга» Çамрăксен центрӗнче иртет.

«Пирӗн çамрăксем ăçта, çавăнта пулмалла. Эпир паян нумай информацие социаллă сетьсем урлă илетпӗр. Çамрăксем блогерсен страницисене куллен пăхни – вăрттăнлăх мар. Усăллă информацие çамрăксем патне çитерес тесен пирӗн те çав площадкăсенче пулмалла. Тӗрлӗ çамрăксен тимлӗхне тупас тесен вара блогерсен йышӗпе туслă пулмалла, вӗсемпе ӗçлемелле», – тенӗ Ринат Садыков.

Вăл каланă тăрăх, форум оытпа ылмашăнмалли площадка пулса тăрӗ. Унта хутшăнакансем валли йӗркелӳçӗсем вӗрентӳ программи те, культура мероприятийӗсем те хатӗрлеççӗ. Спикерсен шутӗнче республикăри тата Раççейри паллă блогерсем пулӗç.

Сăнӳкерчӗк ТР Çамрăксен ӗçӗсен министерствин пресс-службин.