Тутарстанра микроавтобуссем кăларма пуçлаççӗ

Çӗнӗ «Sollers Atlant»микроавтобус çăмăллатнă фургонлă «Atlant» машина никӗсне илессине пӗлтерет РБК Татарстан сайт «Sollersăн» сутассипе тата маркентинг енӗпе ӗçлекен директорӗн Марат Шараповăн сăмахӗсем çине таянса. Экспертсен шучӗпе, санкцисен вăхăтӗнче ку модель хăй туянаканне тупатех. Мӗншӗн тесен 8 вырăнлă микроавтобус çемьепе канма, вак груз турттарма, хăна çурчӗсенче чарăннă туристсене е мероприятисене çынсене илсе çӳреме трансфер валли меллӗ. Çавăнпа ăна уйрăм çынсем те, бизнес представителӗсем те туянасси куçкӗрет. Тен, ют çӗршыв машинисем çинчен хамăрăннисем çине куçса ларакан чиновниксемшӗн те интереслӗ пулӗ. Микроавтобуса çӳретме «Б» категориллӗ водитель прави кăна кирлӗ. Апла-тăк, Тутарстанăн автопаркӗ çӗнӗ техникăпа пуянланасса кӗтмелле.