Тутарстанра ҫӗнӗ телеканал кӑтартма пуҫланӑ

Ҫӗнӗ «ЮВТ-24» телепроект ӗнер каҫхине ӗҫлеме тытӑнчӗ. Тутарстанӑн кӑнтӑр-хӗвеланӑҫӗн информаци узелӗ Элметре вырнаҫнӑ, вӑл "Татмедиа" АОн «Альметьевск РТВ» телекомпанин никӗсӗнче ӗҫлет. 

Ҫӗнӗ форматри вещани тутар чӗлхиллӗ каҫхи хыпарсенчен пуҫланнӑ, вӗсене Лилия Салимзянова ертсе пынӑ. Передача эфира ҫӗнелнӗ студирен тухнӑ.

«ЮВТ-24» проект Элмет, Лениногорск, Пӗкӗлме, Азнакай, Павлӑ, Заинск хулисенче кӑтартать. Хыпарсем ӗҫ кунӗсенче кашни кун тухаҫҫӗ, канал вырӑс тата тутар чӗлхисемпе кӑтартать.  Унӑн хӑйӗн программисен калӑпӑшӗ – эрнене 35 сехет.