Тутарстанра сăвăссем сентябрьте те çыртма чарăнмаççĕ
Республикăра ăшă çанталăк тăнипе тата вăрмана кăмпа пуçтаракан çӳреме пуçланине пула больницăсене сăвăс çыртнипе килекенсем нумайланнине пĕлтерет Роспотребнадзорăн Тутарстанри управленийӗн пресс-служби.
Сезон пуçланнăранпа медицина учрежденийĕсене 9986 çын пынă. Пĕлтĕрхипе танлаштарсан ку кăтарту 22 процент нумайтарах. Пурĕ 15 çыннăн боррелиоз, 7 çыннăн сăвăсăн вируслă энцефалит чирне тупнă. Кăçал çынсем çинчен илнĕ сăвăссене тӗпчесен 1012-ӗшӗнче боррелиоз, 5-ĕшĕнче энцефалит чирĕ палăрнă.
Роспотребнадзорăн Тутарстанри управленийĕ профилактика мерисене пăхăнмалли çинчен аса илтерет: вăрмана кайнă чух ӳте лайăх хуплакан тум, урана çӳллӗ кунчаллă атă тăхăнмалла, уçă ӳте ятарлă хатӗрсемпе — репеллентсемпе — сӗрмелле. Киле таврăнсан тума улăштармалла, вăрмана тăхăнса кайнисене лайăх шаккамалла. Çи-пуçа сăвăс ларнинчен тĕрĕслемелле.
Следите за самым важным и интересным в Telegram-каналеТатмедиа
Нет комментариев