Тутарстанра çул-йӗр хӑрушсӑрлӑхӗпе çыхӑннӑ конкурса заявкӑсем йышӑнасси малалла тӑсӑлать

Конкурса «Я — школьник» мобильлӗ приложенире ирттереççӗ. Хутшӑнас приложение телефон çине куçармалла, ms-edu. tatar. ru е ЕСИА-ан логинпа паролӗпе авторизаци иртмелле. Апрелӗн 14-мӗшӗччен историсенче тухакан викторина ыйтӑвӗсене хуравламалла.

Çавӑн пекех хутшӑнакансен «Çул-йӗр хӑрушсӑрлӑхӗшӗн çемьепе пӗрле» темӑпа видеоролик ӳкерсе ямалла. Ӗçе «Конкурсы» пая кӗртмелле.

Смартфона июнӗн 30-мӗшӗччен конкурс условийӗсене пурнӑçланӑ хутшӑнакансен хушшинче вылянтарӗç. Çӗнтерӳçӗсене икӗ категорире палӑртӗç: 5-8 тата 9-11 классенче вӗренекенсен хушшинче.

Конкурса ТР Цифра аталанӑвӗн министерстви республикӑн Вӗрентӳпе наука министерствипе пӗрле йӗркеленӗ.