Тутарстанра «Земский учитель» программăпа хушма конкурс тапхăрӗ пуçланнă
Тутарстан Республикин Вӗрентӳпе наука министерстви «Земский учитель» федераллă программа шайӗнче педагогсем валли хушма конкурс суйлавӗ пуçланни çинчен пӗлтерет. Çак пуçарăвăн тӗллевӗ – ялсенчи, рабочи посёлоксенчи тата 50 пин çын таран пурăнакан пӗчӗк хуласенчи шкулсене квалификациллӗ специалистсене ӗçлеме явăçтарасси.
«Земский учитель» программа 2025 çулхи январӗн 1-мӗшӗнчен «Молодежь и дети» наци проекчӗн «Педагоги и наставники» федераллă проекчӗн шутне кӗрет. Вăл ял шкулӗсенче вӗрентекенсем çитменнипе çыхăннă ыйтăва татса пама пулăшать. Конкурс суйлавӗ урлă тухнă учительсене пӗр хутчен компенсаци параççӗ, вăл 1 миллион тенкӗпе танлашать.
Суйлав тапхăрӗн вăхăчӗ çапларах:
× Заявкăсене июнӗн 29-мӗшӗнчен пуçласа июлӗн 8-мӗшӗччен йышăнаççӗ;
× Документсен экспертла хаклавӗ: июлӗн 13-мӗшӗнчен пуçласа 15-мӗшӗччен;
× Çӗнтерӳçӗсене июлӗн 16-мӗшӗнчен пуçласа 18-мӗшӗччен палăртаççӗ;
× Претендентсен рейтингне уполномоченнăй орган тата регион операторӗсен официаллӑ сайчӗсенче июлӗн 20-21-мӗшӗсенче пичетлесе кăлараççӗ.
Хутшăнас тесен zemteacher.apkpro.ru порталта июлӗн 8-мӗшӗччен хăвăра кирлӗ вакансипе заявка тултармалла.
Сăнӳкерчӗк «Татар-информ» ИА.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев