Тутарстанри нумай ачаллӑ ҫемьесем патшалӑх программипе ҫӗнӗ хваттерсем илнӗ

 Тутарстан влаҫӗсем тата 46 нумай ачаллӑ ҫемьене ҫӗнӗ хваттерсемпе тивӗҫтернӗ. 

"Ҫурт-йӗр тата хула хутлӑхӗ" наци проекчӗпе ТР Патшалӑх ҫурт-йӗр фончӗ пурӗ 4300 тӑваткал метрлӑх 68 хваттер тунӑ.

"Нумай ачаллисем - тӗслӗхе тӑратмалли ҫемьесем", – тенӗ Рустам Минниханов ҫурт хӑтлама килсен. 

Хӑш-пӗр нумай ачаллӑ ашшӗ-амашӗсем тӳрех темиҫе хваттер илнӗ. Тӗслӗхрен, Ешӗлвар районӗнчи 10 ачаллӑ ҫемье тӳрех тӑватӑ хваттер илнӗ: икӗ икӗ пӳлӗмлине тата икӗ пӗр пӳлӗмлине.