Тутарстанри вӗрентӳ учрежденийӗсенче 27 пин ытла ют çӗршыв çынни вӗренет

Тутарстанри вӗрентӳ учрежденийӗсенче 27 пин ытла ют çӗршыв çынни вӗренет. «Ют çӗршывран килнисенчен ытларах пайӗ аслă шкулсенче вӗренет – 22 пин çын. Шкулсенчен 1-мӗш класран пуçласа 11-мӗшчен 3,2 пин ача пӗлӳ илет, 500-е яхăн – колледжсемпе техникумсенче, 800 ытла – ача садне çӳрет», – тесе пӗлтернӗ журналистсене ТР вӗрентӳпе наука министрӗн çумӗ Рамис Музипов.

Вăл каланă тăрăх, ют çӗршывсенчен вӗренекенсем Тутарстана пуринчен ытла Туркменистанран, Узбекистанран тата Таджикистанран килнӗ. Вӗсенчен Раççейре юлса малалла вӗренес, кайран ӗçлес текенсем те пур.

Рамис Музипов каланă тăрăх, Хусанта шкула вӗренме кӗме вырăс чӗлхине еплерех пӗлнине палăртмалли теста 245, Çырчаллинче – 64, Анат Камăра 40-е яхăн ача хутшăннă.  

Сăнӳкерчӗк «Татар-информ» ИА.