Учительсене ирӗксӗрлесе вакцинацилемеҫҫӗ

Тутарстан учителӗсене коронавирус инфекцийӗнчен хӑйсен ирӗкӗпе кӑна вакцинацилӗҫ. Ҫакӑн ҫинчен ТР вӗрентӳпе наука министрӗ Ильсур Хадиуллин пресс-конференцире пӗлтернӗ.

Ведомство пуҫлӑхӗн сӑмахӗсемпе, педагогсен вакцинацийӗ ӗнтӗ пуҫланнӑ, ӑна учительсен ирӗкӗпе кӑна тӑваҫҫӗ.
"Нимӗнле хӗсӗрлев те ҫук, пулма та пултараймасть. Вакцинаци умӗн учительсем нумай анализ параҫҫӗ. Енчен те врач ырларӗ пулсан, прививка тума юрать. Вакцинацие ҫынна ирӗксӗрлесе тутармаҫҫӗ", – палӑртнӑ Хадиуллин.
Маларах вӗрентӳ министерстви шкул ачисене ҫӗнӗ коронавирус инфекцийӗнчен шкул ачисене прививка тумаҫҫӗ тесе пӗлтернӗччӗ.