«Рубеж» çар ветеранӗсен регионсен хушшинчи обществăлла организацийӗн тата Ульяновскри «Ниме» Чăваш наципе культура центрӗн представителӗсем июнӗн 1-мӗшӗнче Ульяновск хулинчи «Алые паруса» ача-пăча центрӗнче хăнара пулнине пӗлтерет ентешӗмӗр, «Рубеж» организацин регионти уйрăмӗн ертӳçи Владимир Ярухин.
Пӗтӗм тӗнчери ачасене хӳтӗлемелли куна хальхинче йӗркелӳçӗсем Халăхсен пӗрлӗхӗн çулталăкне халалланăран тӗп вырăнта халăхсен культури пулнă. Программăра: матрешкăсене ӳкерсе илемлетессипе мастер-классем, наци ташшисемпе сăввисем, Раççей халăхӗсен наци апачӗн дегустацийӗ тата тӗрлӗ халăх культурипе паллаштаракан станцисемлӗ квест.
Çар ветеранӗсемпе Ульяновск тăрăхӗн чăвашӗсем те ачасемпе пӗрле чăваш наци тумӗн вăрттăнлăхӗсемпе паллашнă, апат-çимӗçне тутаннă кăна мар, пӗрле спорт вăййисене те вылянă. (В.Ярухин сăнӳкерчӗкӗсем).
Нет комментариев