ВĂЙĂ-КУЛĂ ТА, КУРАВ ТА

Наратлă ялӗн библиотекинче Çăварни эрнинче «Килӗр икерчӗ çиме!» ятлă кану каçӗ иртрӗ. Хăнасем асăннă халăх уявӗн йăли-йӗркипе паллашрӗç. Çăварнинче кашни кун мӗн-мӗн тумаллине пӗлчӗç. Кану каçне хутшăнакансем тупмалли юмахсем тупрӗç, Çăварни пирки калакан ваттисен сăмахӗсене аса илчӗç, тӗрлӗ вăйăсемпе конкурссене хутшăнчӗç, икерчӗпе чей ӗçрӗç.

Библиотекарь хатӗрленӗ «Çăварни – пирӗн хаклă хăна» кӗнекесен куравӗ те пурне те килӗшрӗ.

Татьяна ДМИТРИЕВА. (Автор сăнӳкерчӗкӗ).