Тутарстан Республикинчи вӗрентӳ системи МАХ наци мессенджерӗпе анлăн усă курать. Вăл ку платформа çинче педагогсене, вӗренекенсене тата ашшӗ-амăшӗсене пӗрлештернӗ. Çакăн пирки паян ТР Министрсен Кабинетӗнче иртнӗ брифингра ТР вӗрентӳпе наука министрӗн çумӗ Рамис Музипов пӗлтернӗ.
Рамис Музипов каланă тăрăх, кăçалхи мартăн 4-мӗшӗ тӗлне асăннă мессенджерта вӗрентӳ процесне хутшăнакан 539007 çын регистрациленнӗ. Çав шутран 329234-шӗ – шкулсенче, 89852-шӗ – ача сачӗсенче, 75284-шӗ – профессиллӗ вăтам пӗлӳ паракан учрежденисенче, 43260-шӗ – хушма вӗрентӳ организацийӗсенче, 1377-шӗ – вӗрентӳ управленийӗсенче.
Шкулсен МАХри официаллă каналӗсен шучӗ 1333-е çитнӗ, вӗсене 4447989 çын çырăннă.
Çавăн пекех Тутарстанри 45 аслă шкулăн та МАХра каналӗсемпе чатӗсем пур. Кунсăр пуçне 9 аслă шкул студентăн цифрăллă ID-не хута янă, вӗсен студент билечӗпе зачетки те электронлă халь.
ТР вӗрентӳпе наука министрӗн çумӗ каланă тăрăх, хамăр çӗршывра ăсласа кăларнă мессенджер çине куçасси федераллă законодательствăпа çыхăннă – вăл вара ӗçре, вӗренӳре ют çӗршыв мессенджерӗсемпе усă курма чарать.
Сăнӳкерчӗк «Татар-информ» ИА.
Нет комментариев