В.В.Путин: «Хусан – Европăри чи лайăх хуласенчен пӗри»

«Эсир Мускава тӗрлӗ çӗршыв лидерӗсем шучӗ сахалрах килнине каларăр. Тӗрӗс калатăр, Хусанта нумайрах пуçтарăнчӗç. Хусана тав тăватăп кун пек майсемшӗн», – терӗ Владимир Путин.

Ун сăмахӗсемпе, хальхи вăхăтра Хусан аталанса малалла туртăнать.

«Пӗртте ӳстерсе каламастăп, Хусан Европӑри чи лайӑх хуласенчен пӗри. Эпир Мускавпа мухтанатпӑр – вăл тӗнчери чи пысӑк та чи лайӑх мегаполиссенчен пӗри. Хусан та хӑвӑрт, активлӑ аталанать. Астӑватӑп, Минтимер Шарповичпа [Шаймиевпа] эпир Хусан хӗрринчи çӗрпӳрте кӗтӗмӗр. Çынсем çӗрпӳртре пурӑннӑ. Котлован чавнӑ та, çӳлтен витнӗ», – аса илчӗ Президент Хусана килнӗ тапхăра.

«Анчах тутарсемпе вӗсен культурине тивӗçлипе мухтамалла: пур çӗртре те тап-таса, тирпейлӗ, сӗтел çинче тутлӑ чак-чак тата ытти те. Хусан аталанать, чаплӑ хула. Метро та пур. Эпир ун чухне Минтимер Шарповичпа мӗн кирли çинчен каларӑмӑр та йышăну турăмăр. Çӗнӗ ертӳçӗ Рустам Нургалиевич [Минниханов] та  çак эстафетӑна ярса илсе малалла питӗ тухӑçлӑ ӗçлет», – палӑртрӗ Владимир Путин.

Хусанпа Тутарстанра питӗ пултаруллӑ çынсем пурӑннине, тӗрлӗ наци çыннисем килӗштернине, пӗр-пӗрин йӑлисене хисепленине, тӗн уявӗсенче пӗр-пӗрин патне хӑнана çӳренине те каласа хăварчӗ вăл. «Питӗ лайӑх пулса тухать сирӗн», - вӗçлерӗ сăмаха Президент.

Тӳрӗ лини вăхăтӗнче тунаă скриншот.