Хаклă Хӗл Мучи! Пӗлтӗр Çӗнӗ çулта эпӗ санран каччă ыйтрăм

«Хаклă Хӗл Мучи! Пӗлтӗр Çӗнӗ çулта эпӗ санран каччă ыйтрăм. Илсе кай тархасшăн çав кутăн качакана, мана мандарин парсан та юрать...»

* * *

Январӗн 1-мӗшӗ, ирхине. Сасартăк ача пӳлӗмӗнчен:

– Анне! Эс мана Хӗл Мучи сӗтел çинче вылямалли футбол парнелет тесе шантартăн вӗт-ха! Ёлка айӗнче вара нимӗн те çук!.. – тесе кăшкăрни илтӗнет. 

– Ан кăшкăр-ха, сана пула гол кӗрттертӗм ав, – хуравлать амăшӗ.

* * *

2058 çул, декабрь. 

– Эп çамрăк чух Çӗнӗ çул вăхăтӗнче пур çӗрте те юр выртатчӗ, – тет Кукша Кӗркури.

– Анне, асаттене таблетка пар-ха, каллех аташать, – тет мăнукӗ. 

* * *

Çӗнӗ çул.

– Аван-и, Ахванеç!

– Аван-ха, Иван Иванович!

– Тупмалли юмахăн тупсăмне туп-ха: ӗçмест, туртмасть, Çӗнӗ çулта дежурствăна килет!

– Э-э-э... Мӗн тесшӗн эсир капла?..