Хăрушă лару-тăрура ачасен мӗн тумалла?

Ашшӗ-амăшӗн мӗн пӗлмелле?

• Хăрушсăрлăх правилисене ача пăхăнтăр тесен чăн малтан ашшӗ-амăшӗн хăйӗн тӗслӗх кăтартмалла;
• Ачана тимлӗн итлеме, ăна мӗн хумхантарнине ыйтма, вăл мӗн каланине анализ тума хăнăхмалла;
• Хăрушлăх сиксе тухсан камран пулăшу ыйт­маллине ачана ăнлантармалла;
• Шкула е ача садне ăсатнă чухне ăна çав кун кам пырса илессине каламалла, ытти çынпа кайма юраманнине ăнлантармалла. Ачана кам пырса илессине воспитательсемпе учительсене те асăрхаттарса хумалла;
• Ачана шкултан кӗтсе илмелле;
• Хăйне кăна урама кăларса ямалла мар;
• Палламан çын шăнкăравласан, хирӗç «алло» тенисӗр пуçне хушамата, ята, атте ятне, адреса тата килте хăй кăна иккенне нихăçан та калама юраманнине ачана ăнлантармалла;
• Ачăр енӗпе преступлени пулсан кун çинчен тӳрех полицие пӗлтермелле;
• Ача-пăча учрежденийӗсен çывăхӗнче шик­лентерекен çынна асăрхасанах полици чӗнтермелле;

Мӗншӗн-ха йӗркеллӗ çемьери ăслă-тăнлă ача преступниксен аллине çакланать? Мӗншӗн тесен аслисем авторитет пулнипе, хисеплеме хăнăхнипе вӗсенче хăрушлăх курмасть. Преступник çакăнпа усă курса ачана хăй енне çавăрса улталама пултарать. Çавăнпа ашшӗ-амăшӗн ачана куçран вӗçертмесӗр пăхни кăна çителӗксӗр, урамра хăрушлăха лекес мар тесен мӗн-мӗн тумаллине вӗрентмелле.