Хăрушă лару-тăрура ачасен мӗн тумалла?

Усал çын аллине лекес  мар тесен мӗн тумалла?

•  Палламан çын ку е вăл урам ăçтине ыйтсан, мӗнле каймаллине ăнлантар, анчах ăсатса яма нихăçан та ан килӗш;
•  Палламан çын хăйне ăсатса яма ыйтсан: «Ăçта тата кампа каяссине атте-аннене кайса калам-ха малтан», – темелле;
•  Йытă-кушак е ытти чӗрчун кăтартассипе илӗртсен е сумкăна йăтса пулăшнăшăн укçа пама шантарсан «ÇУК», – темелле; 
•  Пӗлмен çын кинора ӳкерӗнме е илем конкурсне хутшăнма чӗнсен тӳрех ан килӗш, хăçан тата ăçта аçу-аннӳпе пымаллине ыйт;
•  Енчен те юнашарах машина чарăнчӗ-тӗк, май пур таран аяккарах пăрăн, ларма нихăçан та ан килӗш;
•  Палламан çын урамра санран юлмасăр хыççăн пырать пулсан, хуть мӗнле çурт патне пырса чӳречерен çывăх çынна курнă пек туса ăна чӗнсе аллуна сул.

Хăçан «ÇУК» теме пӗлмелле?

• Пӗлмен çын хăй патне хăнана чӗнсен е машинăпа леçме сӗнсен;

• Шкула е ача садне ют çын илме килсен (çак çын пирки ашшӗ-амăшӗ маларах асăрхаттарман пулсан);

• Килте атте-анне çук чухне палламан е сахал пӗлекен çын киле кӗртме е унпа ăçта та пулсан кайма ыйтсан;

• Палламан çын мӗнпе-тӗр хăналасшăн пулсан.